Siaha; April ni 4: Vawiin tlai dar 3:00Pm khan DC's Conference Hall-ah Mizoram CEO Pu Asish Kundra, IAS hovin MP election hmachhawn tura Siaha District inpuahchah dan te thlir ho a ni.
Vawiin CEO leh Nodal officer te meeting-ah hian Siaha District DEO Pu Bhupesh Chaudhary chuan kan hmalawk ni 11/4/2019 a MP inthlanna hmachhawn tura Siaha district inpuahchah dan tlangpui power point presentation hmangin CEO, Jt.CEO leh Deputy CEO te chu a entir a. CEO leh Jt.CEO Pu H.Lianzela leh Deputy CEO Pu CC.Lalchhuangkima ten an thilhriat belh duh te chu concern Nodal officer te hnen atanga zawtin, thurawn an pek duh te pawh an pe bawk a ni.
CEO Pu Asish Kundra chuan Nodal officer te chu Siaha district chhunga MP inthlanna muanawm, langtlang leh huapzo tak a thlen theih nan tan la zual sauh sauh turin a fuih hlawm a. Taima tak leh thahnemngai taka Nodal officer ten hma an lo lak tawhna-ah lawmthu sawiin, tluang taka MP election an tlingtlak theih nan duhsakna a hlan hlawm bawk a ni.
ISSUED BY: INFORMATION &PUBLIC RELATIONS OFFICE SIAHA DISTRICT,SIAHA
