Siaha, March 29 : Vawiin chawhma dar 11:00Am khan kumin Member of Parliament (Lok Sabha) General Election lo awm tura Siaha District huam chhunga Polling Officers tur te tan Training buatsaih a ni.
Resource person leh vawiin training kaihruaitu nibawk Pu R. Lalremsanga, Additional Deputy Commissioner, Siaha chuan 'Poll Management' tih thupui hmangin zirtirna a pe a. Pu H. Ramhluna, IS, CMO Office leh District Level Master Trainer pawhin 'Duties and Responsibilities of Poll Day' tih thupui-ah hmangin zirtirna hun a hmang bawk. 'Fiiling up of Forms and EVM' tih thupui hmangin Pu FC. Lalrinawma, UDC leh District Level Master Trainer nibawk chuan zirtirna hun a hmang ve bawk a ni.
ISSUED BY : INFORMATION & PUBLIC RELATIONS OFFICE, SIAHA DISTRICT : SIAHA
