Siaha; November ni 3: Vawiin chawhma dar 11:30am khan Pu Zoengsanga, DEO leh District Bawrhsap ni bawk office chamber-ah  EVM&VVPAT Randomization vawikhatna  neih  a ni.

Vawiin 1st Randomization of EVM&VVPAT programme hi  Pu Zoengsanga,DEO in a kaihruai a, Pu James Lalnunmawia,Returning officer, 40-Palak leh 39-Saiha AC chuan Randomization kalphung leh Kan hmalawka MLA inthlannaa kan Siaha District bika EVM &VVPAT hman tur  lo thleng zat te leh a hman tlak leh tlak lo an check dan te leh strong room-a dahthat a nih dan ten report a pe a.

Pu Zoengsanga, Bawrhsap leh DEO chuan Political party hrang hrang aiawh lo kalkhawm te hnena lawmthu sawiin,  Election thinghlim leh felfai a awm theih nan  Party aiawh ten EVM&VVPAT a lo thlen hun te, strong rooma dahthat a ni hun  te leh Check a ni lai te   min lo tawiawma,   kan thiltih min lo witness thin avangin rilru leh thinglung takin lawmthu ka hril che u a ni, a ti.

 Siaha District-ah hian avaiin  Polling Station 79 a awm a.39-Saiha  AC hnuaiah 36 leh 49-Palak AC hnuaiah 43 a awm a.Siaha District a hman tur endik vek tawh hman tlak Ballot Unit-123, Control Unit-135 leh VVPAT-132  a awm mek a. Chu chu vawiinah 1st Randomization-ah hian 39-Saiha (AC) leh 40-Palak AC a hman turin computer in a thliar hrang a ni.

39-Saiha AC atan hman turin BU-56, CU-62 leh VVPAT-66 leh 40-Palak AC a hman turin BU-67,CU-73 leh VVPAT-66   Computer chuan a thliar hrang ta a ni.

Computer in a thliar hran  fel tawh chu Potical Party aiawhte witness-na hnuaiah Physical segregation (a khawl tak thliar hranna) neih lehin,  Siaha AC a hman tur leh Palak AC a hman turin strong room hran ve vea dah fel thlap a ni.

Vawiin 1st Randomisation of EVM& VVPAT programme-ah hian Political party aiawh te bakah Concern Official te an tel kim hle a ni.

ISSUED BY:INFORMATION& PUBLIC RELATIONS OFFICE

SIAHA DISTRICT:SIAHA